Fry Bhindi Recipe in Hindi – Fry Bhindi Kaise Banaye

Aaj hum banane wale hain Bhindi se tayar ek swadisht snacks jise aap jab chahe bana sakte hain. Shaam ki chai ke saath ya khane ke saath side dish ki tarah. Ise banana behad aasan hai, crispy hone ke karan yeh khane ke swad ko aur bhi bada deti hai.

Iske liye hum Bhindi ko pehle fry karte hain phir sabhi sukke masale usme mila dete hain. Bas itna hi aasan hai ise banana. To chaliye shuru karte hain Fry Bhindi ghar par banane ka tarika.

Fry Bhindi Banane ki Vidhi Ingredients:

• Bhindi – 1 kilo
• Chaat Masala – 1 chammach
• Lal Mirch Powder – ½ chammach
• Nimbu ka Ras – 1 chammach
• Kali Mirch – ½ chammach
• Namak – Swadanusaar
• Tel – Bhindi fry karne ke liye

Ghar par Fry Bhindi Kaise Banaye – Fry Bhindi Recipe in Hindi:

1. Fry Bhindi banane ke liye, Bhindi ko achhe se dho kar saaf karke sukha lein.
2. Har Bhindi ko lambai mein 3 se 4 lambay pieces mein kaat lein.
3. Ab ek kadai mein tel garam karne rakhein. Tel garam hone par kadai mein Bhindi daal kar madhyam aanch par shallow fry karein.
4. Bhindi ko beech beech mein chalate rahein aur madhyam aanch par hi crispy hone de. Bhindi crispy hone par gas band kar dein.
5. Fried Bhindi ko ek bowl mein daal kar upar se namak, kali mirch powder, chaat masala, nimbu ka ras, aur lal mirch daal kar mix karein.
6. Tayar Fry Bhindi Snacks mein ya roti ke saath serve karein.